Nga Anri Bala
Ngjarjet tragjike, me humbje jete njerëzish dhe zhdukje personash të pazbuluar dhe pa autorë, si ngjarjet e fundit në Shkodër, janë vërtetë të frikshme. Por, mungesa e dëshirës për t’i zbuluar, duke shmangur informacionet dhe duke treguar stepje, është dy herë më e frikshme.
Ndoshta policia, që është kthyer aty ku ishte… me njerëz që e kanë filluar karrierën në kohën e monizmit dhe e kanë ndërprerë sa herë kanë ndërruar kahet politike në drejtimin e shtetit, nuk është e aftë të zbuloi krimin, sepse i ka humbur “nuhatja” nga …mosha. Por është e pafalshme, mos kapja e “gjahut” nga gjahtari i vjetër, kur i’a bien te dora, epse duhet t’i ketë shumë të zhvilluar instiktet… prej praktikës së gjatë.
Si mund të lihet në heshtje dhe të flihet gjumë, kur “kryegjahtari” i krimit, Sali Berisha i’u denoncon çdo ditë krime e kriminel, me foto dhe bëma dhe…. me dëshmitar “policin digjital”?!
Nuk ka asnjë justifikim mpirja dhe asfiksimi i policisë apo i prokurorisë, duke bërë të vdekurin gjallë! Mos më thoni shoku Fatmir, se policët tuaj nuk e dinë, se posta elektronike, me teknologjinë e sotme, mund të lexohet dhe postuesi mund të zbulohet?!
Edhe nëse nuk ndodh, sepse “qyqarët” tuaj janë datëlindje e “harruar” për të dejtuar policinë, e të vonshëm në përdorimin e teknologjisë, përse nuk përdorin praktikën… e vjetër?! Më e thjeshta dhe më e sigurta është, që me urdhër të zonjës Arta Marku si kryeprokurore, t’i sekuestrohet telefoni Sali Berishës, i cili është një arkiv krimi dhe kriminelësh, që do i jepte mundësi shtetit të jetë shtet, ku të gjithë janë të barabartë para ligjit?!
A e dini se çfarë do i kishte bërë prokuroria ndonjë gazetari të kronikës së zezë, sikur ai të deklaronte publikisht se: më ka ardhur një mesazh nga një i policisë, që i njeh porositësit e krimit dhe hjeksit?! Të jeni të sigurtë, se do të procedonin dhunshëm, si dikur, duke sekuestruar të gjithë telefonat e tij, për të gjetur qoftë edhe indicien më të vogël për të kapur autorët, edhe pse gjysma e telefonave të tyre gjenden dhe sot e kësaj dite, në kasafortat e prokurorisë.
Çdo gazetar që ushtron profesionin e tij, e ka të drejtë me ligj, që të mbroi burimin e informacionit dhe të ruaj anonimatin… por Berishën nuk e mbron asnjë ligj, për të mos deklaruar informatorin, që për detyrën që kryen… polic, nuk ka ligj që e shpëton nga hekurat.
Çdo qytetari, ashtu si unë, i lind e drejta të pyes, se përse kriminelat e denoncuar publikisht nuk i ballafaqoni me dëshmitarin… policin digjital?!
Si mund të kapni kriminelin, kur ju nuk kapni dot dëshmitarin?! I besoni apo nuk i besoni Berishës, “ish kryeministrit të përjetshëm?!
Apo i besoni dhe i frikësoheni asaj që do të zbuloni, sepse nëse do ishte e vërtetë, do ishte një skandal i madh dhe ju e gjithë shërbyesit e këtij shteti, duhet të largoheshit, si të tremburit…të mbaruar.
Ndaj mos flini gjumë, sepse pastaj do i’ua nxjerin gjumin ata që i’u kanë votuar… qytetarët. Mos u friksoni me lepurin në bark, sepse asnjë lepur nuk ka ngordhur nga frika sepse ka “këmbët e shpejta” siç mund t’i keni dhe ju “krahët e lehta” kështu:
1- Përdorni teknologjinë dhe të drejtën që i’u e jep ligji, për të zbuluar ushtrinë e madhe të administratës, që bashkëpunon me Sali Berishën.
2- Përdorni të drejtën që i’u jep ligji, për njerëzit që kanë informacion për krimin dhe e shpërndajnë si thashethem, duke qenë të punësuar për të zbuluar krimin.
3- Nëse këto element nuk ekzistojnë, dërgoni Sali Berishën para ligjit për shpifje dhe intriga dhe bashkë me të, në hale qytetarin imagjinar digjital.
Nëse nuk i bëni këto, me keqardhje, edhe ju do keni fundin e paraardhësve… të turpshëm, por ama pa lavdi!/Ekskluzive.al