Alexia Putellas, futbollistja e Barcelonës ka fituar “Topin e Artë” për femra për të dytën herë radhazi.
Më mira e sezonit 2001-22 i takon vajzave të Barcelonës. Çmimi u dha në ceremoninë e Topit të Artë në Paris.
Manchester City është shpallur klubi i vitit në ceremoninë “Topi i Artë”.
Çmimi vlen për edicionin 2021/2022.
Gjatë edicionit që lam pas, Man. City ka fituar Premier Leaguen.
Sadio Mane është zgjedhur në ceremoninë e Topit të Artë që po mbahet në Paris si njeriu i popullit. Ai ka fituar “Trofeun Socrates”, në nder të ish-legjendës së Brazilit. Për kontributin për komunitetin dhe bamirësitë e tij, Mane është nderuar me këtë çmim.
“Jam shumë i lumtur që jam këtu ne mesin e shumë yjeve. Jam përpjekur të bëj diçka për njerëzit e mi dhe t’i përmirësoj gjërat për aq sa kam mundësi”, ka thënë Mane.
Mesfushori i Brcelonës, Gavi, ka ftuar çmimin “Kopa”, që i jepet lojtarit të ri më të mirë në ceremoninë e “Topit të Artë”.
18-vjeçari spanjoll mposhti rivalë të fortë si Bellingham, Camavinga, Mendes dhe Musiala. Edhe pse për Barcelonën sezoni i fundit nuk ka qenë për t’u mbajtur mend, paraqitjet individuale të Gavit kanë qenë të jashtëzakonshme, sidomos me Spanjën. Ai mbetet i preferuari i trajnerit Luis Enrique te “La Roja”.
Portieri i Real Madrid dhe i kombëtares së Belgjikës, Thibaut Courtois fiton trofeun “Lev Yashin”.
Belgu mori trofeun e portierit më të mirë në botë. Duke folur pasi mori trofeun, Courtois u shpreh shumë i lumtur që merr një trofe të tillë.
“Jam shumë i lumtur që marr një trofe të tillë. Ndërsa shtoi se një trofe tjetër i madh për të do ishte Kupa e Botës.”-tha portieri.
Në sezonin 2021-2022 polaku realizoi 50 gola. Lewandowski theu rekordin 49-vjeçar të Gerd Muller duke shënuar 41 gola në një sezon të Bundesliga
“Jam shumë i emocionuar që fitoj këtë trofe. Jam shumë i lumtur pasi e di çfarë kuptimi ka ky trofe. Ishte shumë emocionuese të thyeja rekordin e tij në Bundesliga, pasi nuk e besoja se ai rekord mund të thyhej ndonjëherë. Do doja të falënderoja shokët e mi te Bayern Munich, por edhe te Barcelona sigurisht.”-tha sulmuesi.
Trofeu “Gerd Muller” i jepet sulmuesit më të mirë, që ka shënuar më shumë gola për klubin dhe vendin e tij në një sezon.