Kryeministri Edi Rama deklaroi në Kuvend se opozita ngriti ballonë në ajër për reformën zgjedhore dhe mbajtën të njëjtat rregulla që kishim.
“Pse hyri Reforma Zgjedhore tek rekomandimet për të hyrë në BE. Asnjë vendi para nesh s’i ka thënë Brukseli bëj reformën zgjedhore.
Hyri si rezultat i një presioni, me dhunë e me shantazhe që çuan në humbje me sukses Lulzim Bashën, por krijuan kanalin e qarjeve dhe qurravitjeve në zyra e në adresa ndërkombëtare.
Atje ku unë bashkohem me ju është pjesa ku s’kam si të kem një mendim ndryshe. Bënë gjullurdi, ngritën ballonë në ajër dhe erdhën na thanë; Jemi mirë siç ishim.
Se paska pasur fajin administrimi se ka qenë OK. Në kohën e humbur kemi lenë dy pika të rëndësishme, e para, vota e emigrantëve dhe e dyta identifikimi biometrik.
Mediat kanë arkiva, t’i hapin kur thoja, Lulzim mos rri rrugëve se nuk i pengon dot zgjedhjet, eja që zgjedhjet t’i përdorim për projektin pilot për teknologjinë siç rekomandon çdo mendje e arsyeshme edhe ODIHR-i vetë, për zgjedhjet e ardhshme kombëtare.”– tha Rama.