Ditën e djeshme u bë me dije nga qeveria se ka hyrë në fuqi falja e gjobave të vëna gjatë pandemisë, për të gjithë qytetarët dhe bizneset që nuk respektuan rregullat e karantinës.
Gazetarja Iva Tiço ka reaguar mbi këtë lajm të qeverisë dhe shkruan e revoltuar: Një lajm i shkëlqyer për të të gjithë ne trapat që për tre muaj ndenjëm brenda e u bindëm.
Hë më ta lumsha shtet…”, shkruan ajo me ironi, ku nuk e fsheh zhgënjimin, ndoshta për herë të parë ndaj qeverisë që ishte gjithmonë në mbështetje.
“Gjatë pandemisë u gjobitën dhe u vendosën rregulla strikte ku edhe në farmaci nuk mund të shkonim pa njoftuar.
Pati jo pak qytetarë që e shkelën urdhrin e dhënë por shumica qëndruan. Qeveria ka vendosur që të falë gjobat me qëllimin lehtësimin dhe amnistimin e këtyre shkeljeve bazuar edhe në situatën psikologjike tek qytetarët.
Por nga ana tjetër pa dashur krijon edhe precedentin që në të ardhmen dikush mund të shkelë një urdhër, se gjobat pas ca kohësh amnistohen. Ups, ndoshta edhe kështu ndodh”, vijon ajo.