Ish-deputeti i Partisë Socialiste, Eduard Ndocaj shkruan me ironi se është arrestuar kryeministri Edi Rama.
Ndocaj rendit një sërë akuzash për të cilat sipas tij është arrestuar kreu i qeverisë.
“SAPO NDODHI: ARRESTOHET EDI RAMA. Mirdita miq sapo ndodhi; arrestohet Edi Rama, me akuzat e më poshtme; për mashtrim të bashkëshortes në shperdorim të parave të sajë 2 milion euro, për 3 depozitat në Surrel të deklaruara si shtëpi, #per vjedhje PPP dhe mashtrim me termetin, për panik ndaj qytetarëve në kohë pandemie ose luftë siç e quan ai, për kanabizimin e Shqiperisë, për shpifje ndaj vllezerve Budina, për shtimin e kushteve për integrim në Europë,- nga tre që ishin sot në 15. Akuza e fundit është sharja me familje e qytetarit në telefon. Drejtësia po triumfon!”- shkruan Ndocaj.
Por qytetarët në rrjetin e tij social Facebook kanë vijuar me talljet duke shkruar se edhe modifikimi i fotos është i pabesueshëm, pasi nuk i përshtatet edhe kohës.
“Po si shume trashe e paskeni veshur ose nderroni veshjen ose daten sic kan pas thene shkodranet per pese herojt e Vigut”, shkruan një komentues.
