Autoritetet portugeze raportuan të shtunën se u kishin mbetur vetëm shtatë shtretër në njësitë e kujdesit intensiv në spitale për pacientët me infeksion të rëndë COVID-19 dhe se një rritje e mprehtë e numrit të njerëzve të infektuar në vend i detyroi ata të transportonin disa pacientë të sëmurë kritikisht në spitalet në ishujt portugezë.
Sipas Ministrisë së Shëndetësisë, nga 850 shtretër në njësitë e kujdesit intensiv të destinuar për pacientët me COVID, deri në 843 shtretër janë zënë deri më tani.
Kombi prej 10 milion banorësh ka edhe 420 shtretër shtesë në njësitë e kujdesit intensiv, por ato janë të destinuara për njerëzit që vuajnë nga sëmundje të tjera të rënda.
Ministria e Shëndetësisë njoftoi se 12,435 infeksione të reja u regjistruan të shtunën, e cila është më pak se të dhënat rekord nga e enjtja, dhe 293 njerëz vdiqën si rezultat i koronavirusit të shtunën.
Portugalia ka regjistruar mesataren më të lartë të rasteve shtatë-ditore të koronavirusit dhe vdekjeve për frymë në botë në shtatë ditët e fundit.
Ministria e drejtësisë tha të premten se Instituti i Mjekësisë Ligjore, i cili kryen autopsitë për qëllime policore, kishte kërkuar një kamion frigorifer për të ruajtur trupat e të vdekurve, pasi shtëpitë e varrimit nuk i morën me kohë.
Një shoqatë që përfaqësonte shtëpitë e varrimit raportoi se spitalet publike gjithashtu nuk kanë frigoriferë për të ruajtur trupat. Disa spitale u detyruan të sillnin frigoriferë për të lehtësuar presionin në morg.
Për shkak të numrit të vogël të shtretërve në njësinë e kujdesit intensiv, tre pacientë në gjendje të rëndë u transportuan nga Lisbona në një spital në ishullin e Madeira të premten, ku sistemi shëndetësor është nën presion pak më të vogël.
Kjo rritje galopante infeksiknesh i atribuohet vendimit për të lehtësuar masat kufizuese gjatë pushimeve të Krishtlindjeve. Por ka dyshime se mund të bëhet fjalë dhe praninë e mutacionit të ri, atij britanik, që ka veti të përhapet më shpejt.