Këngëtarja e madhe Liljana Kondakçi ishte e ftuar ditën e djeshme në emisionin ‘E diell’. Vitet duken se kanë ndalur për këngëtaren shqiptare dhe ajo pasqyron një bukuri rinore, pavarësisht viteve që mbart mbi supe.
Ky detaj nuk kaloi pa u vënë re nga gazetari Ervin Kurti, i cili e pyeti këngëtaren se cili është sekreti që nuk ka asnjë rrudhë në fytyrë.
Liljana u përgjigj se ajo ka rrudha, por ndoshta fansat e saj nga pëlqimi që kanë për të nuk ja vënë re. Por një faktor i rëndësishëm sipas saj është dhe ana gjenetike.
Sakaq, Liljana na riktheu pas në kohë dhe këndoi një mori këngësh nga repertori i saj i larmishëm.