Ka dalë në dritë e gjithë skema e operimit të bandës shqiptare në Majorka të Spanjës.
Në mesin e shumë të arrestuarve është edhe Bashkim Osmani, që sipas mediave spanjolle ka në pronësi pasuri të mëdha, duke filluar që nga kazinotë, hotele, vila e automjete luksoze.
Majorkën e kishte kthyer në pikë takimi me krerët e Ndranghetta-s, mafias kalabreze. Vendi i preferuar ishte Hotel Calvia. Kapo-mafiet hiqeshin si turistë për të mos rënë në sy, dhe kur të gjithë futeshin në hotel duke luajtur rolin e pushuesve të zakonshëm, brenda nisnin mbledhjet e fshehta.
Në këto takime “underground”, ndanin punët: dikush me trafik droge, dikush me pastrim parash e dikush me prostitucion.
Osmani mbërriti në Majorka në vitin 1999, dhe aty nisi pak nga pak të rriste reputacionin e tij. Por për herë të parë doli në qendër të vëmendjes pas një artikulli në gazetën Hamburger Morgenpost, media e parë që ekspozoi ngritjen meteorike të familjes Osmani në Hamburg.
Pasi u shfaqën në atë medium, u përpoqën ta blinin. Lagjja Sant Pauli dhe sidomos prostitucioni në rrugët e saj kontrollohej nga klani familjar, kryetar i të cilit është Quazim Osmani, alias “Félix”, vëllai i Bashkimit. Në fillim të shekullit, Shërbimi Federal i Inteligjencës Gjermane (BND) shënjestroi familjen dhe mendoi t’i akuzonte për krim të organizuar në nivelin më të lartë, por ata nuk ishin në gjendje të provonin krimet në gjykatë.
Familja Osmani ka bërë emër dhe në Ballkan, me hotele dhe rezidenca luksoze dhe shfaqen në media me yje të boksit dhe personazhe të tjerë të famshëm, duke i nxitur të investojnë miliona euro në Shqipëri dhe Kroaci, dy vende me shumë mundësi. Në Pragë dhe Moskë blenë edhe kazino dhe zgjerimi i klanit vazhdoi, i pandalshëm.
Por policia gjermane nuk u dorëzua dhe në vitin 2006 i dha goditjen e parë organizatës. Një dorë e hekurt që e rrëzoi Bashkim Osmanin. Dy vjet më vonë, manjati me një rezidencë në Mallorca dhe vëllai i tij Burimi u gjykuan në një gjykatë në Hamburg për një sërë krimesh.
Bashkimi është dënuar me tre vjet e nëntë muaj burg, por dënimi nuk e ka prekur. Madje, mediat gjermane kanë publikuar një foto të dy vëllezërve të përqafuar në gjykatë, me një buzëqeshje enigmatike. Kur u lirua nga burgu, pak më vonë, ai krijoi vendbanimin e tij të përhershëm në Mallorca dhe vite më vonë ndërtoi rezidencën e tij përrallore për pesë milionë euro në rrugën Menhir në Camp de Mar (Andratx), një nga rrugët më ekskluzive në Mallorca.
Një komandë e lartë dhe disa veteranë të Korpusit filluan të hetojnë jetën e 55-vjeçarit shqiptar nga Kosova. Kështu lindi ‘ Operation Casino ‘.’. Më pas hetimeve iu bashkua Policia Kombëtare dhe pasi u vërtetua fuqia e klanit, iu shtuan agjencitë ndërkombëtare: FBI, DEA, NCA britanike dhe DIA italiane. Kapoja e supozuar filloi të ndiqej me maturi absolute, ditë e natë, dimër dhe verë. Vlerësohej se ai kishte shtatë bashkëpunëtorë në rrethin e tij më të ngushtë, përfshirë vjehrrin.
Në orën gjashtë të mëngjesit të së martës erdhi fillimi i fundit për klanin Osmani. Siç u zbulua nga Ultima Hora në scoop , 600 agjentë kontrolluan pronat e tij në gjysmën e Evropës dhe në Mallorca ata arrestuan Gardën e tij pretoriane. Pritet vetëm ekstradimi në Majorka.