Ambasadori i BE, Luigi Soreca lëshoi këtë të martë një mesazh për opozitën shqiptare në lidhje me reformën në drejtësi. Pas kontestimeve të shfaqura nga opozita për ecurinë e reformës, Soreca tha se rezultatet e deritanishme janë të dukshme dhe se reforma është e pakthyeshme.
Ambasadori BE pohoi se ka pasur operacione shumë inkurajuese të zbatimit të ligjit gjatë muajve të fundit, të cilat duhet të vazhdojnë edhe me tej dhe te konkretiziohen me denime nga gjykatat.
“Kohët e fundit kemi parë progres shumë të rëndësishëm lidhur me reformën në drejtësi, me piketën e ngritjes së institucioneve të reja, kjo shtron udhën për emërimin e gjyqtarëve në gjykatën e lartë si dhe për ngritjen e SPAK dhe BKH.
Por ajo çka nënkupton thellësisht është se reforma e drejtësisë bazuar në veting po funksionon dhe është e pakthyeshme.” Soreca i bëri deklaratat gjatë ceremonisë që u mbajt ditën e sotme në Tiranë në lidhje me marrjen e presidencës së BE nga Rumania.
“BE është e angazhuar për të ndihmuar Shqipërinë. Jemi të angazhuar dhe po i ndjekim nga afër, por presim angazhim nga qeveria e Shqipërisë dhe opozita për tu bërë bashkë për të mirën e vendit.
Reforma zgjedhore është një shans, shpresojmë që të përdoret,”-tha Soreca. Ambasadori i BE, paralajmëroi vizita të rëndësishme në shkurt “Është proges për sa i përket reformës në drejtësi. Është një progres për sa i përket kësaj fushe, gjithashtu drejtimit të SPAK.
Kjo është e mirëpritur nga vendet e BE, ndërkohë që koha ecën, vizita e komisionerit Hanh është shumë e rëndësishme, për sa i përket reformës në drejtësi.
Në fund të shkurtit do të ketë vizitë të rëndësishme. BE është e angazhuar në progresin e Shqipërisë dhe objektiva për sa i përket rrugës së Shqipërisë në BE. Është shumë i rëndësishëm dialogu konstruktiv i partive për të ardhmen e Shqipërisë.
Muajt në vijim janë shumë të rëndësishme për Shqipërinë që ta tregojë veten shumë të përgatitur. BE do të bëjë vlerësimin e tyre edhe gjatë këtyre kohëve. Në emër BE dua t’i uroj Rumanisë dhe 6 muajt të shënojnë progres për Shqipërinë”, u shpreh ai.