Nga Av. Romeo Kara
Po shohim perdite e me teper se si gradualisht, pergjate 29 viteve, imazhit te pseudodemokracise te servirur me tamtame te medha, i ra kallaji dhe bashke me të edhe cdo siguri juridike të ketij entiteti te quajtur Shteti Shqiptar, apo Republika e Shqiperise.
Kemi rendur pas pushtetit te individeve dhe te partive, duke bere syte qorr dhe veshet shurdh perpara kerkeses dhe nevojes kryesore: ndertimit te nje shteti te se drejtes ku mbi të gjitha do te funksiononte sundimi i ligjit.
Verberia, militantizmi primitiv, qe vendos interesat personale, partiake dhe te liderit permbi ato kombetare, shteterore dhe ligjore, na coi ne zgripin me te shemtuar dhe me te pashprese qe mund te mendohet.
Pertej fasades mjerane qe servir qeveria dhe opozita ishqeveritare, ne po shkojme në renie te lire, pasi cdo fre, cdo kontroll dhe garanci ligjore, mungon, eshte i paplote apo eshte nen politiken dhe ka dale jashte funksionit.
Mungesa e sigurise juridike, e zevendesuar me pazarin politik qe garanton qendrimin e pushtetit ne duart e tre-kater personave, na coi ne rrenimin e pashembullt te ekonomise, deindustrializimin total te saj, vjedhjen pareshtur te investimeve publike, pronesimin e cdo gjeje me vlere, v.rasjen e cdo shprese se ky vend mund te behet dhe zbrazjen biblike të vendit.
Asnje pushtues nuk ka mundur t’a rrenoje kaq shume kete vend, sesa aleanca e turpit: politike-k.rim-media-biznes, e cila eshte njekohesisht oligarkia financiare, m.afioze dhe politike e vendit.
Na mungon tersisht shteti ligjor dhe askush qe i ka ndelur nje gram turp te mos mundohet te justifikohet dhe te interpretoje turpin dhe deshtimin si arritje.
Perse ne na duhet mbi te gjitha siguria juridike dhe shteti ligjor?
Ligji u shërben shumë qëllimeve dhe funksioneve në shoqëri. Katër qëllime dhe funksione kryesore te tij janë:
1. Vendosja e standardeve;
2. Ruajtja e rendit,
3. Zgjidhja e mosmarrëveshjeve
4. Mbrojtja e lirive dhe të drejtave.
Ligji është një udhërrëfyes për sjellje minimale të pranueshme në shoqëri dhe jo nje cope leter qe perdoret per te zbrazur xhepat e popullit dhe majmur aktoret politike.
Sundimi i ligjit kërkon që njerëzit të qeverisen nga rregulla të pranuara, dhe jo nga vendimet arbitrare të lidereve politike.
Këto rregulla duhet të jenë të përgjithshme dhe abstrakte, të njohura dhe të caktuara, dhe të zbatohen në mënyrë të barabartë për të gjithë individët.
Atributi thelbësor i konstitucionalizmit është një kufizim ligjor për qeverinë. Sipas konstitucionalizmit, lideret politike dhe pushtetaret nuk janë mbi ligjin, pushteti i qeverisë ndahet me ligje të miratuara nga një organ dhe administrohet nga një tjetër, dhe ekziston një gjyqësor i pavarur për të siguruar që ligjet administrohen në mënyrë objektive.
Një kushtetutë efikase dhe efektive u lejon funksioneve të qeverisë të mbrojnë jetën dhe liritë e qytetarëve pa shkelur të drejtat e disave për të siguruar përfitime për të tjerët.
Tashme jemi ne piken kur, kushtetuten e nderrojme sa here kemi zgjedhje pa voten direkte te popullit, institucionet kushtetuese ekzistojne vetem ne leter, gjykatat ekzistojne pjeserisht dhe teresisht nen ndikimin e aleances se turpit dhe oligarkise, dhe k.rimi sundon kudo ku eshte, brenda apo jashte burgut.
Sfida eshte: drejtesi, drejtesi dhe vetem drejtesi. Të gjithe te barabarte perpara ligjit dhe cdokush qe e ka shkelur ate, te perballet me ligjin. Ligji të behet funksional dhe kjo gje te behet me cdo cmim.
Le te na ndajne parimet e drejtesise dhe te ligjit, dhe jo ato politike, klanore dhe krahinore.
Te ndahemi nga Shqiperia e vjeter, e liderve politike, qe gdhihen aleate dhe ngrysen kundershtare në aleanca fluide te diktuara nga meskiniteti dhe interesat ordinere duke na kujtuar me luften e tyre pa princip, luften e trendafilave ne Angli (1455-1485).