Një tërmet me magnitudë 5.1 të shkallës rihter është regjistruar në Mytilene të Greqisë. Epiqendra ishte 43 km në perëndim-jugperëndim të ishullit me një thellësi fokale prej 10 km.
Kjo u pasua nga pasgoditje në të njëjtën zonë, fillimisht në magnitudën 4.3 të shkallës Rihter, dhe më pas duke 4.8, 4.9 dhe 4.5.
Tërmeti i parë u regjistrua në orën 07:15 të mëngjesit të sotëm sipas Institutit Gjeodinamik. Zougla.gr kontaktoi departamentin e policisë së ishullit, në të cilin deri më tani nuk janë konfirmuar probleme ose ndonjë dëm material.
Ndërkohë që kujtojmë se në po të njëjtin rajon në orët e mëngjesit të sotëm u shënuan dy tërmete të njëpasnjëshme me një diferencë kohore me një minutë ne vendin fqinj, Turqi.
Sipas informacioneve tërmeti i parë u regjistrua në orën 08:46 me kohën lokale me fuqi prej 5.1 ballë dhe thellësi prej 20.9 kilometra, ndërsa tërmeti i dytë në orën 08.47 me fuqi prej 4.8 ballë dhe në thellësi prej 7 kilometra.
Por nuk kanë kanë kaluar shumë orë dhe në orën 11:35 një tërmet prej 5.1 ballë është regjistruar në brigjet e rajonit Karaburun në qytetin Izmir në Detin Egje në Turqi, transmeton Anadolu Agency (AA).
Sipas një njoftimi në faqen e internetit nga Agjencia për Menaxhimin e Fatkeqësive dhe Emergjencave (AFAD), tërmeti ka ndodhur në orën 11:35 sipas orës lokale me fuqi prej 5.1 ballë dhe thellësi prej 3.42 kilometra.
Ky tërmet ka shkaktuar dëme të shumta materiale. Nga fotot e publikuara duket se shumë shtëpi janë rrënuar dhe automjetet janë mbuluar nga dherat.