Që nga sot, Hungaria është vendi i parë në Bashkimin Evropian që përdor vaksinën ruse Sputnik V kundër virusit korona, njoftuan autoritetet lokale shëndetësore.
“Sot ne kemi filluar të përdorim vaksinën Sputnik V në pikat e vaksinimit,” tha Cecilia Miller, kryeinspektorja shëndetësore dhe anëtare e stafit të krizës.
Autoritetet hungareze kohët e fundit njoftuan se morën 40,000 doza të vaksinës ruse dhe se vendi është i pari në Bashkimin Evropian që u dërgohen vaksinat Sputnik V, sipas AFP.
Qendra Hungareze për Shëndetin Publik ka aprovuar vaksinën ruse.
Hungaria është gjithashtu anëtari i parë i BE që nënshkruan një kontratë me laboratorin Sinopharm të Kinës dhe porosit rreth pesë milion doza të vaksinës prej saj.