Disa përplasje të forta janë shënuar tek zyrat e Frymës së Re Demokratike në Tiranë. I pranishëm aty ndodhet dhe presidenti Ilir Meta.
Në ambientet FRD-së sot ka shkuar policia Bashkiake e Tiranës që kërkon lirimin e zyrave për t’i rinovuar dhe mirëmbajtur. Sipas policisë, këto zyra janë prona të Bashkisë.
Kërkesa nuk është miratuar nga kreu i ri i FRD-së, Sali Shehu. Ky i fundit ka kërkuar ndihmë nga Presidenti Ilir Meta, i cili është përfshirë në një konflikt mes anëtarëve të kësaj partie dhe policisë.
Situata ka dalë jashtë kontrollit dhe sherri verbal ka përfunduar në sharje, grushta dhe shpulla. Presidenti Meta i ka nxjerrë jashtë policët.