Chelsea ka marrë sot një fitore mjaft të vlefshme kundër Salzburgut. Tre pikët në Austri përkthehen me një kualifikim për në fazën me eliminim direkt të Champions League. Majën e sulmit e ka udhëhequr Aubameyang-u, i cili pati një mbrëmje për t’u harruar. Sulmuesi nga Gaboni ka shpërdoruar shumë raste, të cilat mund të mbyllnin llogaritë e takimit që në pjesën e parë.
Aubameyang është shërbyer nga Havertz-i në zonë, nga ku i vetëm me portierin ka gabuar. Megjithata, emri që mban në shpinë ia ul kritikat. E nëse një rast i tillë do të humbej nga Armando Broja, sigurisht që kritikat do të vërshonin si një lumë mbi të, ashtu siç ndodhi pak ditë më parë, kur nuk zgjodhi të pasonte për Mount-in.