Të lëna në mëshirë të fatit prej shumë vitesh dhe ku nuk plotësonin asnjë kusht higjienik, godinat pët studentët në kryeqytet janë transformuar tërësisht.
Falë bashkëpunimit edhe me qeverinë gjermane, godinat i janë nënshtruar rikonstruksionit total duke krijuar tashmë për të gjithë studentët që vijnë nga rrethet kushte komode për të jetuar dhe studiuar.
Në interes të studentëve të cilët nuk kishin informacionin e plotë, por edhe në përgjigje të akuzave të Bashës se nuk ishte investuar sa duhet në arsim, përmes një postimi në Facebook, Kryeministri Rama ka shpërndarë një video të projektit 3D të rehabilitimit të godinave studentore dhe se si ai është kthyer në një realitet të prekshëm për këdo.
“Meqë po diskutohen këto ditë edhe kushtet e godinave për studentët, ja prova që kjo qeveri, si asnjë tjetër më parë, ka nisur një investim masiv (18.8mln€ Faza 1) në bashkëpunim me qeverinë gjermane, për të ndryshuar rrënjësisht situatën e trashëguar të konvikteve.
Ndiqeni deri në fund sepse nis si 3D po vazhdon si realitet i prekshëm i kantierit të parë të këtij projekti”, shkruan Rama në FB.
Ndiqni të plotë videon e publikuar nga Kryeministri Rama.