Deputetja e Partisë Socialiste, Olta Xhaçka mbajti fjalën e saj nga foltorja e Kuvendit, ku i cilësoi shpifje akuzat e opozitës në drejtim të saj, mbi bazën e të cilave opozita kërkon heqjen e mandatit të saj të deputetit.
“Emri im është tribluar si top lecke…. Nuk mund të hesht sot për fajësinë që më është dhënë nga gjykata e shkallës zero. Askush nuk do të gjejë as edhe një fjalë time kundër organeve të drejtësisë…”.
Xhaçka shton se nuk ka ushtruar influencën e saj për të përfituar dhe se investimi i bashkëshortit të saj është 100 për qind privat.
“S’ka asnjë rresht ndalesë për të ndaluar familjarët që merren me biznes. Në këtë kushte bashkëshorti im që merret me biznes që nga ’91. Jo në tokë të falur nga kryeministri siç bërtasin këta shpifës, por në truall privat të blerë në mirëbesim nga ish-pronarë privat.
Si rrjedhojë e kësaj tollovie një proces ka shkuar në SPAK, si është dhënë dhe regjistruar edhe në këtë rast emër im është futur si derri në thes jo nga prokuroritë por nga linçuesit që lirinë e tyre për të folur e përdorur duke akuzuar e dënuar këdo që mundem.
Unë dhe familja ime nuk kemi përfituara asnjë qindarkë nga fondet publike, asnjë m2 tokë publike. E dini se çfarë është përfitimi. Nuk është aspak me investitorin strategjik që thoni ju. Përfitim që në çdo rast nuk i atribuohet drejtpërdrejt bashkëshortin tim që kurrë mos u bëftë, por kompanisë!
A lejohet potencialisht kur të kryhen kontrata që mund të mos ndodhë kurrë të vërë apo jo shezlonet në plazh. Për të drejtën plazhit për klientët e hotelit. Jo tani, por kur të realizohet investimi kur të lidhet kontrata që nuk është lidhur. Pra gjithë kjo zallamahi nëse duhet apo jo të vërë shezlonet në plazh kur investimi të ketë përfunduar.
International Court Rules Against Switzerland for Climate-Related Human Rights Violations
Keep Watching
Deti dhe plazhet janë pasuri kombëtare të papërfituar nga askush. Tu thuash njerëzve që Olta Xhaçka u mori plazhin do të thotë të tallesh me ta. Furtunë në gotën e rakisë të të dehurve të atyre që vranë dhe shkatërruan shtetin”, tha Xhaçka.