Nga Anri Bala
A keni pyetur, se ku është papagalli me megafon, Lulzim Basha?! Apo i keni rënë për shkurt… në Holandë, e pse jo edhe në ndonjë vend ekzotik, kur tashmë është pronari i 9 milion e 700 mijë eurove, që nuk ka ligj që e përligj, që hajduti të kompensohet, për plaçkën e vjedhur. Mirëpo, zërat flasin ndryshe. Mashtruesi është nisur drejt Amerikës, ku do të qëndroj deri më 12 korrik.
Natyrisht që SHQUP-i flet për axhendë të ngjeshur të Lulzimit, por ai nuk ka asnjë axhendë, sepse as që e njeh kush, përveçse lobistit Nik Muzin, që mud t’i rregulloi ndonjë vizitë në Uashington, megjithëse është nën hetim nga FBI, me kongresmenët Ed Royce, Michael McCaul dhe Pete Sessions.
Me shumë mundësi, do të takoi Dana Rohrabacher, që është quajtur “kongresmeni i preferuar i Putinit”, që mashtruesi të finalizoi interpretimin e rolit të përhershëm dhe e mbyll shfaqjen e radhës… me foto!
Duke qenë se ai dhe shumë si ai, që shikojnë ëndrra me sy hapur, largimin e Donald Lu, e quajnë fitore, e ashtu sikurse u sollën me largimin e Obamës, kur mashtruesi u thoshte shqiptarëve, se po lindte dielli i fitores për PD-në, e në fakt, për të dhe partinë e tij lindi dita e “stuhisë dhe e cikloneve”, ai ka përgatitur një plan të ri, tejet qesharak dhe jashtë çdo norme diplomatike: Kërkon me çdo kusht, të takohet pas miratimit nga senati, ose të paktën vetëm të bëj një foto, me zonjën Kathleen Ann Kavalec, e cila është propozuar nga Trump, si ambasadore e SHBA-së në Shqipëri, e pret për të marrë vendimin përfundimtar, votimin e Senatit, i cili ka gjasa të bëhet ditën e mërkurë.
Ndaj Lulzimi, ashtu sikurse shkoi në eventin përshëndetës, të organizuar pas fitores së zgjedhjeve nga Trump, me paratë e dyshimta për të lobuar kundër Shqipërisë dhe për tu thënë shqiptarëve, se tashmë ai ishte “beniamini” i presidentit amerikan, të njëjtën strategji prej kllouni, ka skicuar përsëri në mendjen e tij.
Në të vërtet, Lulzim Basha dhe Fatmir Mediu, si dy figura të akuzuara për vepra të rënda penale në politikën shqiptare, nuk arritën dot, as ti afroheshin portës së Shtëpisë së Bardhë, e jo më të mund të takonin Trump-in. Por ama, me fotot e postuara, u hoqën si të ftuar nderi… “pas dere”, të paftuar, me një biletë të blerë si donator “lypsarë”.
Nuk besoj, se do jetë e mundur, që ambasadorja Kavalec, do bjeri pre e mashtruesit dhe lobistëve të tij, sepse ligji nuk i’a lejon të bëj takime, përveçse në vendin dhe kohën, ku dhe kur të marrë detyrën.
Lulzim Basha dhe “opozita pa opozitë”… janë trembur, sepse u treguan tepër fyes dhe injorues me ambasadorin Lu, i cili ishte mik i shqiptarëve dhe mbikqyrësi i Reformës në Drejtësi, e kurrë nuk u bë palë apo viktimë e këtyre njerëzve, që kishin një mal me akuza, nga më mostruozet në kurriz, e që vetëm për shkak të detyrës ishte i detyruar t’i takonte dhe të bisedonte me ta. Mospjesëmarrja në darkën e lamtumirës së Donald Lu-së, në fakt i bëri nder Lu-së, duke e shpëtuar nga sikleti, për të mos qenë i detyruar të takonte këto banda, që kishte kohë që shprehte dëshirën… për t’i parë në burg.
Ai shpëtoi, kurse ato, si frikacakë inatçor… u lumturuan, duke menduar se kishin shpëtuar ata, nga… Lu. Realiteti është krejt ndryshe, edhe nëse ato kanë shpëtuar nga prezenca fizike e Lu-së, nuk kanë shpëtuar nga prezenca potente dhe e pashtershme e Amerikës. Lu ishte Amerika, e mashtruesi bënte sikur nuk e kuptonte, kurse Kavalec do jetë nëna Amrikane, për sa i përket njohjes së mentalitetit antiamerikan të bashkëpuntorëve të Rusisë dhe amerikania, që nuk do sillet me stilin diplomatik aziatik të ambasadorit Lu, por më genin gjerman të Presidentit Trump.
Kështu që, zoti Mashtrues, mos u mundo dhe mos e hiq nga kurrizi “çantën me baltën antishqiptare”, sepse ashtu siç të braktisën “miqtë” gjerman, për çeljen e negociatave, që të dëgjonin kur shpifje dhe të fusnin gishtin mbrapa kur ikje, zonja Kavalec do të t’i fusi të dy gishtat… në sy, që të kuptosh, se ke rënë nga rrebeshi i shiut, në stuhinë e breshërit Amerikan! Mos shiko ëndrra me sy hapur sikur ke shpëtuar, meqë i mbaroi mandati një ambasadori, dy ambasadorëve, dhjetë ambasadorëve, që nuk të honepsin, për atë që je dhe atë që paraqet, me qeshjen tënde hipokrite dhe të pështirë, të damkosur në fytyrë… por përballu me fatin!
Largoi duart nga hakmarrja ndaj shqiptarëve për makthet e tua, paranojat dhe tmerret, që të kapin si çdo persekutor, që i shfaqen në gjumë viktimat e tij. Në je trim, lufto me ato që janë soji i yt, por… me më pak mëkate, se ne as na rruhet se hani kokën ju, që duhet as të mos guxoni ta mendoni… të bëni kokën tonë kurban, për të shpëtuar tuajën!
Me keqardhje… por kur t’i mbaroi mandati zonjës Kavalec, jam i sigurtë, se ti dhe gjithë ato që hiqen si opozitarë pro amerikan dhe kundër ambasadorëve amerikan, nuk do keni ftesë kortezie për darkën e lamtumirës, por do keni kohë të mjaftueshme për të numëruar ditët e burgut, që u kanë mbetur. Nëse nuk do të ndodhë kështu, të garantoi zoti “kriminel në liri”, se populli i revoltuar, do ju sjelli në qeli për pak kohë, edhe ato që e duan drejtësinë, për ta varur si medalje… në gjoksin e tyre!/Ekskluzive.al