Pas Eduart Shalsit, ministrit të Rama 2, i cili tha në një studio televizive se: “Nuk do vjedhim në mënyrë kaq flagrante sa çkanë bërë këta”, duke iu referuar kundërshtarit, i dyti në listën e kllounëve të qeverisë, është qefliu i plogësht Blendi Klosi.
Si “qejfli” i ka dal nami ndër shok, sepse ministri i “luleve”, siç parapëlqen të njihet, lëshon buqeta kudo ku sheh një femër që e simpatizon, sidomos në fushën e medias dhe moderimit. Ndërsa “plogështinë”, janë po këto simpatizante të zjarrta, të cilat ja kanë vënë në dukje si defekt, duke na kujtuar se ministri vuan nga diabeti dhe disa organe i ka “pak si të buta vetë”.
Për ne nuk bënë kurrfarë habi, sepse ishte e kuptueshme që sëmundja i kishte prekur trurin ministrit, që kur deklaroi se: “Valët e muzikës përhapin virusin”, ndërsa në lokalin e tij në ish-Bllok, “Whiskey Bar”, ku fshihet pas emrit të kunatit, muzika nuk pushonte gjithë natën dhe u “përçonte” virusin të rinjve, pa pyetur për masat antikovid të vendosura nga po ai, në kohën kur baret e tjera të Tiranës kishin frikë të vendosnin edhe një muzikë celulari në sfond pas orës 20:00, se u fluturonte gjoba 10 milion lekë.
Ekskluzive.al i ka denoncuar disa herë gomarllëqet dhe shejtanllëqet e qejfliut të plogësht të Mistrisë së Vandalizmit, por me sa duket edhe ai po mësohet me idenë se të tilla deklarata janë më se normale dhe mendja e tij po fiton liri ndaj çmendurisë.
Por të bënë habi, se si Blendi Klosi i lejon vetes të thotë të tilla marrëzira, duke qenë se është një nga ministrat që cilësohet me performancën më të dobët në zgjedhjet që sapo u zhvilluan, sepse mandatin e 5-të të PS në Berat, për të cilin ai mburret aq shumë, ia dha transferta e LSI-së, një lëvizje e zgjuar nga ana e Edi Ramës që rekrutoi Nasip Naçon, e nuk është aspak meritë e tij. E me 4 mandate në Berat, Klosi nuk është aspak vlerë e shtuar në parti.
Së fundmi, për ta përmbushur misionin e tij, të talljes me shqiptarët, Ministri i Turizmit del në televizion dhe u thotë se “nuk ka rëndësi sa e madhe apo e kripur është fatura që ata do të paguajnë gjatë pushimeve, e rëndësishme është që biznesi tu dorëzoj atyre kuponin tatimor dhe të paguajnë taksën ndaj shtetit”.
“Të jetë kungull vallë?”, pyeste i ndjeri Koço Devole tek telekomedia “Gjuetia e Fundit”. Ndoshta këtë pyetje duhet t’ia bëj edhe vetes Edi Rama, se sa kungull është Blendi Klosi… se dhe shumë të tillë nuk i mban dot nën sqetull.
Madje kulmi arriti kur ministri krahasoj disa kriminelë të rëndomtë, që vijnë të harxhojnë paratë e pista në resortet dhe plazhet e klientëve të tij, ku blejnë vila në Palasë apo pushojnë me muaj në Drimades pa shkuar fare, me yje botërorë si Lionel Messi dhe Cristiano Ronaldo, të cilët harxhojnë qindra mijëra euro e ndoshta më shumë, gjatë qëndrimeve të tyre në resorte luksoze. Ministri fodull harron se shqiptarët nuk merren të gjithë me drogë dhe nuk janë as qiraxhinjë e as komshi të vilës së tij në Palasë.
Nëse në këtë vend do të kishte shtet e ligj, të tillë kriminelë, që harxhojnë mijëra euro në ditë, pa punuar kund e pa derdhur taksa askund, do fshiheshin në brimë të miut, e nuk do ishin pronarë vilash milionëshe në resortin e famshëm “Green Coast”, në Palasë, ku banon edhe ti zotrote. E sigurisht me zhdukjen e parasë së pisët, do të merrte fund edhe turizmi luksoz por skandaloz i shqiptarëve të skamur, të cilët punojnë gjithë vitin e su vjen zëri për një palë pushime.
Kur të ndalojnë kriminelët të bëhen pronarë vilash, tokash, apartamentesh, bare, restorantesh e makinash, që lëvizin paratë si ti kishin fituar nga punë e ndershme, atëherë do pushojnë shiptarët, kur tu bie sqepi pronarëve që majmen me para droge e vjedhjesh.
Shqiptarët nuk janë të skamur për të bërë pushime, por nuk e lejon paraja e pisët për të paguar shërbimin që marrin, ndaj çdo vit dynden në plazhet e botës. Por ndoshta ministri nuk është i gatshëm ta pranoj atë që e dimë të gjithë, se personazhe kaq të famshëm, që ai i përmend, nuk harxhojnë as edhe një qindarkë për të pushuar në Shqipëri, sepse shërbimi i hotelerisë po ashtu edhe i sektorëve të tjerë është skandaloz, ku mungojnë kushtet minimale, e për të qëndruar si njerëz në një nga plazhet çfarëdo, shqiptarët janë të detyruar të paguajnë si Messi e Ronaldo, sepse të ndërmjetme nuk ka. Për dijeni të ministrit fodull, një sufllaqe në shtetin prej nga e ka origjinën kushton (2.5 euro), gjysmën e vlerës së asaj që shitet në plazhet shqiptare (600 lekë) dhe uji shërbehet pa lekë.
Ministri klloun do tu mbush mendjen shqiptarëve se standarti i turizmit në Shqipëri është rritur, dhe se ata nuk kanë pse pushojnë në plazhe ku pushon ai dhe disa kriminelë e trafikantë droge, por të shkojnë diku tjetër, sepse nuk e përballojnë dot luksin e shfrenuar.
Ekskluzive.al disponon informacion se në resortin “Green Coast”, në Palasë, ku ministri ka në pronësi një vilë, janë disa trafikantë droge nga kryeqyteti dhe nga një tjetër qytet bregdetar, të cilët janë bërë pronar vilash luksoze “pa lëshuar kupon tatimor”. Media disponon informacion se në këto bare të shtrenjta shpesh klient janë trafikantë droge dhe kriminel çfarëdo, që e hedhin lekun badjava, kurse ministra tanë nga frika dalin në rërë me shall e kapele.
Sipas një denoncimi të bërë së fundi në media, një qytetar ka denoncuar sekretarin e ministrit Blendi Klosi, konkretisht Ardian Kamenica, i cili po shet hoteleve apo restoranteve, stacionet e plazhit me vlerë 5 mijë euro. Kjo shitje e licencave të plazhit për hotelet e restorantet, sipas denoncuesit është edhe shkaku i ngjarjes tragjike me 4 të vrarë dhe 2 të plagosur mëngjesin e sotëm në Velipojë./Ekskluzive.al
Kliko titujt mëposhtë për të lexuar:
A do ta arrestoj Edi Rama ministrin Blendi Klosi dhe mikun e tij oligark Gjikuria?
EKSKLUZIVE/ Fshihen pas emrave të tjerë, kush janë ministrat dhe deputetët me vila milionshe në kompleksin e oligarkut Samir Mane?!
VIDEO/ Blendi Klosi u jep mend botës për muzikën por vetë se ndal “përhapjen e virusit” në lokalin e tij në ish-Bllok