Inxhinieri i Ndërtimit Arben Meçe tha se provat e krimit në Durrës për ndërtimet janë në dokumente.
“Të gjitha ndërtimet në zonën e plazhit janë bërë pa leje ndërtimore. Të gjitha janë bërë nga 2006 deri më 2009 – 2010. Kjo do të thotë se për këto objekte dosja është e kompletuar për të dënuar këta persona. Të gjithë objektet që janë ndërtuar në zonën e plazhit kanë dosjet të hapura. Ju të gjithë e dini se nuk dënojmë ne, por dënon Prokuroria. Në atë vend është ndërtuar jashtë standardeve.
Nëse në një objekt janë ndërtuar 7 kate mbi 3 kate, normal kemi probleme. Prokurorisë i duhen 10 ditë deri në 3 muaj që të verifikojë. Të gjitha ata objekte janë pa projekt, kanë firmë, pra e kanë provën e krimit brenda. Në plazh nuk është goditur asnjë provë krimi, sepse provat e krimit janë në dokumente.
Është prova, këta i ke në burg, pikë. Vijmë në Thumanë, këtu ka objekt ku nuk ndërtohej kishte njerëz. Përgjegjësit lokalë kishin papërgjegjësi. Duhej të prisheshin ndërtimet që rrezikonin, ndërsa në këto moment mund të grumbullosh prova,” tha ai në New 24