Komisioni i Pavaruar i Kualifikimit ka marrë sot vendimin për shkarkimin e kryeprokurorit të Apelit në Durrës, Ferdinand Elezi.
Ai ka qenë dhe kandidat për Prokuror të Përgjithshëm. Elezi shfaqi probleme me pasurinë për shkak të blerjes të dy apartamenteve dhe mospagimit të taksës për fitimin nga qiraja e apartamentit në tiranë pranë Komunës së Parisit.
Elezi ishte shprehur se pasurinë e ka vënë me punë ndërsa taksën për të ardhurat nga qiraja nuk e dinte se duhet t’i paguante dhe sapo është njohur me këtë fakt i ka paguar.