Analisti politik Afrim Krasniqi pak çaste më par2ë ka ndarë në rrjete sociale një foto të rrallë të zgjedhjeve të marsit të vitit 1991. Në këtë foto shfaqet kandidati i opozitës Bashki Isaku.
Krasniqi, bën një krahasim me kandidatët e sotëm dhe thotë se në lista janë emra që janë njerëzit më të pasur të vendit.
“Mars 1991. Kështu e nisëm pluralizmin! Ishin zgjedhjet e para pluraliste prej vitit 1923.
Natyrisht, kishte parti, por partia shtet ishte e paprekur: i gjithë shteti ishte në fushatë, – drejtues gjykatash, batalionesh, shërbimi sekret, policie, etj, ishin njëherësh edhe kandidatë.
Në zgjedhje kandidonte edhe vetë kryetari i KQZ, i cili humbi garën, ashti siç humbi edhe Ramiz Alia.
Ne harrojmë shpejt, por kjo foto do të thotë shumë: është kandidati i opozitës, Bashkim Isaku, në fushatën e marsit 1991, në zyrën elektorale të kësaj force politike.
Pas 30 vitesh? Luks, luks, luks…partitë dhe disa prej kandidatëve të tyre janë në top listën e më të pasurve në vendin më të varfër të Europës!
Dhe pasi na grabisin votat, taksat, pasurinë, të drejtat, – na thonë se duan të rrisnin fëmijët e tyre vetëm në Shqipëri dhe se ata janë shpresa jonë e vetme! Kanë të drejtë.
Në cilin vend tjetër të botës demokratike do të ishin bërë kaq të pasur e të pushtetshëm sa këtu?
Diku tjetër më në perëndim se ne ata do të ishin në burg ose para drejtësisë, kurse në Shqipëri ata janë gjithçka: shteti, polici, gjykata, prokurori, doganieri, inxhinieri, urbanisti, tatimori, mjeku, intelektuali, analisti.”, shkruan analisiti Afrim Krasniqi.