Edvin Kulluri, ish anëtari i Këshillit Kombëtar të PD-së është shprehur kundër tezave ekonomike që po sygjeron krytari aktual i PD-së Lulzim Basha. Kulluri thekson se tezat e Bashës për taksën e sheshtë 9% nuk përbëjnë një risi pasi janë realizuar njëher nga qeveria Berisha dhe e kanë dhënë efektin e tyre.
Sipas tij ajo çka i duhet vendit është një reformë strukturore në ekonomi dhe jo përsëritje e fakteve të ndodhura.
“Ritmi i rritjes ekonomike do të jetë shumë i vogël. Të jesh Ennio Morricone është diçka dhe të luash Ennio Morriconen është diçka tjetër. Unë krahasimin midis Bashës dhe Berishës nuk e bëj dot për nga pikëpamja e kapacitetit e politik dhe intelektual. Unë kam qenë pjesë e kabinetit të qeverisë Berisha kur u hodh ideja e taksës së sheshtë 10% sipas modelit Sllovak.
Duhen reforma strukturore dhe jo përsëritje pa fund të fakteve të ndodhura. E gjithë e djathta në botë që po qeveris nga SHBA-ja dhe deri ne Britani është një e djathtë konservatore sovraniste në ekonomi, ndërsa Partia Demokratike është një e djathtë krejtësisht liberale në vendin tonë dhe nuk po e kupton se duhet të përqëndrohemi tek ekonomia kombëtare.
Duhet të fokusohemi në një ristrukturim gjeostrategjik të ekonomisë ku duhet të përqëndrohemi tek Maqedonia dhe Kosova si dhe te thithja e investimeve nga shtetet e mëdha. Shoh që kemi një qeveri që ka dhënë një produkt jashtëzakonisht të dobët në ekonomi si dhe kemi një opozitë që fantazinë me të zgjuar që ka është kthimi te tezat e PD-së së Berishës të 2005.”- tha Kulluri.