Oligarku rus Roman Abramoviç nuk po heq dorë nga futbolli dhe synon që të kthehet sërish, pasi Britania e Madhe i hoqi pronësinë e Çelsit.
Abramoviç megjithëse është në listën e personave të sanksionuar nga Bashkimi Europian për lidhjet që ka me Vladimir Putin, po synon që të blejë klubin e njohur turk Goztepe.
Kështu raportojnë mediat turke, ndërsa Turqia është një shtet që nuk ka ndërmarrë sanksione ndaj tij.
E përditshmja “Fanatik” ka bërë të ditur se miliarderi ka hedhur grepat mbi Goztepe, i cili në fakt po kalon momente krize dhe është shumë pranë rënies nga kategoria e dytë në këtë vend.
Sipas mediave turke ai është takuar këto ditë me Mehmet Sepil, pronarin aktual, për të diskutuar shifrat.