Çfarë lidhje ka me “Xhimin” dhe ku i gjeti 600 milionë lekë që ndërtoi hotele e lokale në Sarandë-Vlorë?
Ose drejtori Gledis Nano nuk e di që ky person është me dosje penale qysh në vitin 2008, kur ishte në policinë e Sarandës dhe u prangos për dhunë shtazarake brenda qelive të paraburgimit në komisariat, ose ia kanë zhdukur dosjen në vitin 2013, kur e rikthyen në polici, ndërsa sot në SPAK e SHÇBA ka 24 denoncime për bashkëpunim me grupet e kultivim-trafikut të drogës kur ishte Shef Rendi në Shkodër.
Me cilët grupe kriminale është lidhur në Berat, ku drejtor policie është krushku i tij Edmond Targaj
Ndërkohë që Gledis Nano po flet për reformim e pastrim të Policisë së Shtetit, nga punonjës dhe drejtues të lidhur me grupe e aktivitete kriminale, edhe duke dekonspiuruar aksione e nxjerrë kolegë në kurthe, njeri prej këtyre “monstrave” është emëruar Shef Komisariati në Berat.
Bëhet fjalë për Ardrit Hasanbega me origjinë nga fshati Toç i Tepelenës, i cili në muajin nëntor 2008, kur ka qenë oficer krimesh në Sarandë, ka torturuar barbarisht në qelinë e paraburgimit të komisariatit, 17 e 18 vjeçarët Oltjon Varfi e Aristidh Gllucaj, të akuzuar si trafikantë klandestinësh drejt Greqisë.
Pas torturave, Ardrit Hasanbega si procedues i dosjes, i ka marrë zvarrë dy të rinjtë dhe i ka çuar në seancë gjyqësore, ku Aristidh Gllucajt i ka rënë të fikët para trupit gjyqësor dhe ka qëndruar 2 ditë në koma në spital.
Pas këtij rasti të rëndë, më 12 nëntor 2008, reagoi Avokati i Popullit Ermir Dobjani, prokurorja Ina Rama, dhe drejtori policisë Ahmet Prençi e përjashtoi përjetësisht nga Policia e Shtetit dhe me urdhër të SHÇBA e arrestoi, ku qëndroi 40 ditë në paraburgim me akuzën “Tortura të para-burgosurish e të miturish në izolim”.
Oficeri Ardrit Hasanbega, nuk i arrestoi dy të rinjtë pse po bënin kalim emigrantësh në kufi, por sepse ata i ishin futur në këtë biznes që ai e komandonte vetë në zonën Konispol-Qafë-Botë, bashkë me 3 kushërinj nga Tepelena, të cilët ishin sekserë dhe transportues të pa prekshëm nga policia e Sarandës.
Pas 40 ditësh, me 20 dhjetor 2008, oficeri torturues e trafikant Ardrit Hasanbega, u lirua nga burgu duke u lënë në masë “Detyrim paraqitje” me kërkesë të prokurorit Platin Aliçka e gjyqtarit Elidon Papazisi, duke përdorur akt-ekspertimi fals.
Në vitet 2009-2013 që ishte jashtë policisë së shtetit, ish-agjenti i krimeve Ardrit Hasanbega, la trafikun e klandestieve dhe u bë pjesë trafikut të drogës, nga Lazarati në Greqi e nga Vlora në Itali, si përfaqësues i grupit të Elton Çiços nga Tepelena, vrarë më 1 maj 2016 në Tiranë.
Saktësojmë se në grupin trafikues të Elton Çiços, ka qenë dhe xhaxhai i ish-oficerit Ardrit Hasanbega, kur ishte Shef Rendi në Policinë e Vlorës, arrestuar nga krimet e Rënda më 2 shkurt 2017, si pjesë e trafikut të drogës.
Por për çudi, në muajin nëntor 2013, Ardrit Hasanbega u rikthye në detyra, paçka se për të ka një vendim përfundimtar ende në fuqi, për përjashtimin e tij nga Policia e Shtetit; ndërkohë që drejtori Gledis Nano duhet të verifikojë se me çfarë letrash false është rikthyer në post drejtues policor ky torturues e trafikant.
Por aktivitetin me grupet e kultivimit të drogës, Ardrit Hasanbega e vazhdoi kur ishte shef Rendi në Policinë e Shkodrës krah drejtorit Niko Brahimaj, ku administronte kultivimin e drogës në zonat Temal e Vau Dejës, por dhe ngarkesat e drogës dhe kokainës që dilnin nga Shkodra për Mali i Zi, Itali e Kosovë duke thënë se ishin të Tom Doshit e Sandër Lleshajt.
Pas largimit nga detyra Shef Rendi në Policinë e Shkodrës, tashmë trafikanti Ardrit Hasnabega, është emëruar Shef Komisariati në Berat, ku Drejtor i Policie është krushku i tij, Edmond Targaj, ish-drejtor policie në Korçë e Dibër, me 4 dosje në SHÇBA për bashkëpunim me grupet e kultivim-trafikimit të drogës, qenieve njerëzore e të kontrabandës.
Ose drejtori Gledis Nano, nuk e di që ky drejtues është përjashtuar nga policia qysh në muajin nëntor 2008, kur u burgos, ose ia kanë zhdukur dosjen në vitin 2013, kur e rikthyen në polici; ndërkohë që aktualisht, Ardrit Hasanbega ka 24 denoncime në SPAK e SHÇBA, për bashkëpunim me grupet e kultivim-trafikut të drogës kur ishte Shef Rendi në Shkodër.
NË VIJIM DO PUBLIKOJMË FAKTE:
– Çfarë familjariteti dhe “punësh” e lidhin me “Xhimin” e armëve të zonës Qasarak-Tiranë dhe të restorant Oda e Hasanbeut në Qesarat-Tepelenë?
– Ku i gjeti gjeti Ardrit Hasanbega 600 milionë lekë dhe truallin, që ndërtoi hotel në Sarandë, Bar-Kafe në Ksamil e restorant në Vlorë, gjatë kohës kur ishte oficer krimesh në Sarandë e pasi iku nga policia; dhe me cilët grupe kriminale është lidhur në Berat?/Pamfleti