Ish-deputeti i PS-së, Spartak Braho i njohur dikur si mbështetës i Ilir Metës, deklaroi në emisionin “Zona Zero” se fati i presidentit vendoset pas pesë ditësh, duke nënkuptuar se mund të shkarkohet nga vendimi i Gjykatës Kushtetuese.
Braho theksoi se Meta bëri një pabesi ndërsa bëri koalicion me Sali Berishën, ku shërbeu dhe si ndarja e tij me LSI.
“Kemi qenë miq politik me Metën kundër mënyrës se si qeveriste Nano, u gjykua të vihet emri SLI, në momentin se iu mbush mendja se mund të hante në çanakun e Berishës u ndamë.
Nuk i bashkon vetëm çanaku por edhe gjëra të tjera që nuk është koha ti themi tani, se do të konsiderohej edhe një lloj pabesie shoqërore, është turp për Ilir Metën të jetë aleat me Berishën.
E para është turp krahinor, është me origjinë që nga një vend që me Sali Berishën nuk mund të bëhesh, pale vete e dekoron disa kriminelë të luftës e iu jep dekorata.
Nuk po zë emra se ia kam thënë. Por duro edhe 5 ditë edhe merr fund historia. Jam i bindur se kam qenë anëtar i komisionit hetimor, kam votuar. Por mirë ta provojnë e të votojnë anëtar gjykatës Kushtetuese”, tha Braho.
Ai theksoi se nuk ka më k ka më LSI, si parti, e cila u krijua dikur si një fraksion i së majtës.
“S’më vjen keq fare, do të më vinte mirë që të kishte një fraksion brenda së majtës, por do të më vinte akoma më mirë që të kishte për parime të shëndosha një koalicion PS-LSI, por Ilir Meta e shkatërroi këtë koalicion. Çanta e zezë?
Edhe ti e ke ngrenë këtë çantën e zezë është simbolikë, ajo është kjo këtu, koka, për shkak profesionit tim, si njeriu, jurist, gazetar, kam pasur rastin të akumuloj shumë gjëra, edhe kujdesin që të mos i bie kujt në qafë’, tha Braho.