Ish-presidenti amerikan Donald Trump ka sfiduar presidentin aktual Joe Biden për të zhvilluar një debat mes tyre. Ftesa e Trump për të zhvilluar debatin vjen disa orë pasi sfiduesja e tij e fundit republikane, Nikki Haley , u tërhoq nga gara, raporton Bloomberg.
“Është e rëndësishme për të mirën e vendit tonë që Joe Biden dhe unë të diskutojmë çështje që janë jetike për Amerikën dhe popullin amerikan. Prandaj, unë bëj thirrje për një debat, në çdo kohë, kudo, në çdo mënyrë!” shkroi Trump të mërkurën, më 6 mars, në një postim në platformën e tij sociale Truth Social.
Dëshira e Trump për të zhvilluar debatin vjen disa orë pasi sfiduesja e tij e fundit republikane, Nikki Haley , u tërhoq nga gara, raporton Bloomberg.
Thirrja e Trump për debat erdhi gjithashtu një ditë përpara se Biden, 81 vjeç, të mbajë fjalimin e tij të fundit për gjendjen e kombit, në të cilin presidenti do të përshkruajë axhendën për mandatin e tij të dytë. Trump, 77 vjeç, e qortoi Bidenin gjatë fushatës, duke vënë në pikëpyetje mprehtësinë e tij mendore dhe duke u tallur me gafat e tij verbale dhe pengesat fizike.
Publikimi vuri në dukje se vetë ish-presidenti, megjithatë, nuk është imun ndaj gabimeve nga podiumi, duke përfshirë një fjalim të fundit në të cilin ai gabimisht ngatërroi Haley-n dhe ish-kryetaren e Dhomës së Përfaqësuesve, Nancy Pelosi .
Siç është raportuar më herët, mjeku i presidentit amerikan, Kevin O’Connor , tha se Joe Biden është në gjendje të kryejë detyrat e tij zyrtare.