Thirrjes së Sali Berishës për të dalë në protestë për rrëzimin e Edi Ramës iu bashkuan vetëm një grusht militantësh. Pjesëmarrja në tubimin e tetë kombëtar shënoi nivelin më të ulët, ndërsa vetë kreu i PD erdhi në shesh i shoqëruar si gjithnjë me militantët. Por, kësaj radhe grupi i militantëve të masakuar dhe me molotovë nuk ishin pas tij. Pritet të shihet nëse do të ketë akte dhune, pasi në shesh nuk do të ketë as fjalime, por pritet marshimet nëpër kryeqytet.
Reth 1500 efektivë janë mobilizuar në terren për garantimin e mbarëvajtjes së tubimit dhe ruajtjen e rendit. Vetë kryepolici Skënder Hita ka dalë në terren teksa ka porositur efektivët për të ruajtur qetësinë dhe për të treguar profesionalizëm.
Kjo është protesta e 8-të që Partia Demokratike organizon nën moton ‘kilometri i fundit’, por asnjëra prej tyre nuk i është afruar aspak qëllimit për të rrëzuar qeverinë e drejtuar nga Edi Rama, përveç se ka prodhuar dhunë me molotovë e mjete piroteknike ndaj efektivëve të policinë, institucioneve si dhe deklarata boshe nga kreu i PD, Sali Berisha.