Blend Fevziu si anëtar i Foltores interviston “non grata” Salun si shpëtimtarë! Berisha: Do e bëjmë Kuvendin, Basha ka dalë arrë me vrimë le të rrijë në seli! Rama ta provoj të bëjë atë që s’mundi Ramiz Alia

Sali Berisha ka deklaruar se më datë 11 dhjetor do të mblidhet Kuvendi Kombëtar i PD-së. Në një lidhje telefonike për “Opinion”, Berisha tha se PD-ja zyrtare do të jetë pikërisht ajo që do të jetë në Kuvend e jo kryedemokrati Lulzim Basha e mbështetësit e tij që atë ditë mund të qëndrojnë në selinë blu.

I pyetur se çfarë do të ndodhë nëse KQZ-ja nuk e njeh si PD-ja zyrtare, Berisha sfidoi kryeministrin Edi Rama dhe tha se nëse ai do të guzonte të bënte atë që nuk bëri dot Ramiz Alia, mund të vazhdonte i lirë. Në fund, Berisha shtoi se Basha e mbështetësit e tij kanë tmerr nga e vërteta e për këtë arsye nuk shkojnë të bëjnë verfikimet.

Pjesë nga biseda në studio:

Sali Berisha: Do të ndërhyj për të vërtetën. Është hera e parë në historinë e këtij vendi që anëtarët e Partisë Demokratike e marrin në dorë Kuvendin e saj. Po përdoren në mënyrën më të padenjë dhe qesharake kamerat televizive për të paraqitur dosjet bosh, ato dosje aty….

Blendi Fevziu: Ishte hipotetike, zoti Berisha që nëse dikush çon dosjet, a verifikohen…

Sali Berisha: Kemi të bëjmë me raportin që kanë me njeriun drejtuesit e PD-së dhe ata që kanë rrotull që janë të vetmit që i besojnë Lul Bashës ose bëjnë sikur besojnë. Injoranca kurrë nuk është dhe nuk do të jetë argument, përfaqësia ta udhëheqë asamblenë, por kur ajo ka refuzuar ta mbledhë asamblenë, një minut se kemi të bëjmë me një koncept fundamental, ku janë ata që kanë frikë nga liria, nga anëtarësia të cilët të tmerruar nuk bëjnë dot 10 metra nga zyrat e tyre për të kontrolluar dokumentet. Në Kuvendin e thirrur nga anëtarësia….

Blendi Fevziu: Pretendimi i tyre është që nuk i keni mbledhur votën

Sali Berisha: Ajo është shumë e thjeshtë, të ftoj ty këtu dhe ata aty që mbrojnë Lul Bashësn, të shkojnë nesër dhe të marrin një më një formularët.

Blendi Fevziu: Nëse ju e bëni Kuvendin në datë 11, PD-ja zyrtare nuk e pranon dhe rri në seli, çfarë do të bëni?

Sali Berisha: PD-ja zyrtare është në Kuvend.

Blendi Fevziu: Varet kë do të njohë Parlamenti, gjykata e KQZ-ja

Sali Berisha: Nëse Rama do të bëjë atë që s’e bëri dot Ramiz Alia, le ta bëjë. Basha ka dalë arrë me vrimë, ka tmerr nga e vërteta, kanë frikë të shkojnë të bëjnë verifikimet.